أخر رساله..!!

باسم الدموع النازفه والمناديـل
والـورد لاحمـر والأمـل واضمحالـه

والضيق والتفكيـر والهـم والويـل
اكتـب بـدم القلـب آخـر رسالـه

حروفهـا مـا تحتـمـل اي تـأويـل
تبكـي معانيهـا بعـيـن الجـزالـه

وداعـة الله قلتـهـا دون تأجـيـل
صبـري وصبـري قـد تعـدى احتمالـه

قلبي الذي يا (...... ) يغليك بالحيل
لك السعد به يا غلا والشقـا لـه

صهيـل احزانـي بقلـبـي تراتـيـل
عانق ربوع الشـرق وابكـى شمالـه

عشتـك بمـا يكفـي معـزه وتبجيـل
عشتـك جـواب ٍ حايـر ٍ فـي سؤالـه

عشتك روايه غارقه بعتمة الليـل
مضمونهـا حـلـم ٍ تـعـذر منـالـه

فيها الاسى والصد والجـور والميـل
فيها البطل يرثـي ويرثـى لحالـه

فصولـهـا متـأزمـه بالتفـاصـيـل
عنوانها في الحب (( آخر رساله ))