خلي هجرنـــــــــــــي....!!

خلـي هجرنـي تكفـى يـامـوت زرنــي
وان ماقدرت دلني مكانك وانـا اجيـك
مـابـي حـيـاتـي دام خـلــي هـجـرنـي
مـابـي حيـاتـي دامــه يـقـول مـابـيـك
يـدري بظلـم النـاس يـدري وظلمـنـي
واكــد كــلام الـلـي يقـولـون ناسـيـك
لـكــن قـبــل لاتـاخــذ الـــروح مـنــي
باسـأل حبيبـي كـم سـؤال واخـاويـك
وشـلــون قـلـبـك ياحبـيـبـي تـركـنـي
وتد ري بخفوقي كم له سنين هاويـك
ومـاتـدري بـعـادك وصــدك ذبـحـنـي
وما تدري عن دمع نثرته وانا ارجيك
اسال جميـع النـاس وش صـار عنـي
اسال وش اللي صار في حال مغلبـك
لوعلمـوك وش كثـر هـمـي وحـزنـي
من يوم حبي انتهـى وصـار ماضيـك
لـو علمـوك عـن قلـبـي الـلـي يـونـي
مطـعـون يـصـرخ يشتكيـلـك ينـاديـك
لـو عـاش عاقـل عيشتـي كـان جنـي
حـالـي لــو تشـوفـه بعـيـنـك يبـكـيـك
صـار الحـزن هـو لعبتـي صـار فـنـي
ابـكـي نــدم والله الــى حــل طـاريــك
ضيقـت صـدر ويـا الهمـوم اسكنتنـي
احـكـي واكـمـل ولا مـاقـلـت يكـفـيـك
الـلـي سمعـتـه بسبـتـك انــت جتـنـي
عطيتنـي كرهـك وانـا الحـب معطيـك
ضاعـت سنينـي وانـا بالـحـب ابـنـي
قصوور وانهـدت سبـب فعلـت ايديـك
جـاك الوفـا والـحـب والعـشـق مـنـي
حتى الوله والشوق والصدق معطيك
قلبـي وفـالـك وانــت قلـبـك خدعـنـي
خدعـت قـلـبٍ كــان بالـحـب شـاريـك
بكـذب وخيانـه وغـدر قلبـك حضـنـي
فـي وقـت قلبـي فيـه يسـهـر يـداريـك
ماكنـت أظـن قـصـدك بحـبـك تذلـنـي
ذليتـنـي مــن بـعـد مـامـت انــا فـيـك
هـذي حقيقـة بـعـض مامـنـك جتـنـي
وبعض اللذي اسقيتني انت با ايديـك
ماكـنـت سـاكـت خـايـف بــس لانــي
ميت بحبك مـا أقـدر ازعلـك واشقيـك
حرّمـت اقولـك مــن محبـتـك عطـنـي
مـادام غيـري فــي محبـتـه مرضـيـك
ببـعـد بـعـيـد واوعـــدك مـــا احـنــي
ابـشـر اببـعـد ومــع حبيـبـك بخلـيـك
وابــي ممـاتـي يـاخـذ الــروح مـنــي
تـاركـلـك الـدنـيـا بــهــا الله يـهـنـيـك
واذا سـأل فـي يـوم انـا انسـان عنـي
قـلـه تـوفـى والسـبـب طـعـن بيـديـك